कपिलवस्तु: पाँच वर्षदेखि फरार जबरजस्ती करणी मुद्दाका प्रतिवादी पक्राउ
कपिलवस्तुमा पाँच वर्षदेखि फरार जबरजस्ती करणी र डाँका मुद्दाका प्रतिवादी विकास मल्ललाई प्रहरीले पक्राउ गरेको छ। वाणगंगा नगरपालिका–४ निवासी मल्ललाई २०७५ चैत्र १५ गते जिल्ला अदालतले ११ वर्ष कैद र जरिवाना तोकेको थियो। तर, अदालतको फैसलापछि उनी फरार थिए।
पुस १६ गते मल्ललाई वडा नम्बर ४ बाछ प्रहरी टोलीले नियन्त्रणमा लिएको हो। जिल्ला प्रहरी कार्यालय, कपिलवस्तुले मंगलबार मल्ललाई अदालतमा उपस्थित गराएपछि कैदी पूर्जी जारी गरी कारागार कार्यालय, तौलिहवा पठाइएको जनाएको छ।
प्रहरीका अनुसार, मल्लमाथि जबरजस्ती करणी र डाँका सम्बन्धी अभियोग प्रमाणित भएपछि कैद र जरिवाना तोकिएको थियो। फरार प्रतिवादी पक्राउ परेसँगै कानूनी प्रक्रिया अघि बढाइएको छ।
