कपिलवस्तुमा १० वर्षपछि लागुऔषध मुद्दाका फरार प्रतिवादी पक्राउ
कपिलवस्तु, २४ मार्च – कपिलवस्तु प्रहरीले १० वर्षपछि लागुऔषध मुद्दामा फरार रहेका प्रतिवादीलाई पक्राउ गरेको छ। जिल्ला अदालत कपिलवस्तुको २०७१ असार ३० गतेको फैसला अनुसार, लागुऔषध कसुरमा दुई वर्ष कैद र एक लाख रुपैयाँ जरिवाना तोकिएका राजेन्द्र कुमार अग्रवाललाई प्रहरीले पक्राउ गरेको हो।
राजेन्द्र कुमार अग्रवाल, जो कृष्णनगर नगरपालिका ३ का निवासी हुन्, लामो समयदेखि पक्राउ पुर्जी जारी भइ फरार थिए। प्रहरीको निरन्तर अनुगमन र अनुसन्धानपछि, इलाका प्रहरी कार्यालय कृष्णनगरको टोलीले उनलाई आइतबार कृष्णनगर नगरपालिका वडा नम्बर ३ मा लुकिछिपी बसिरहेको अवस्थामा फेला पारेको हो।
प्रहरीले अग्रवाललाई पक्राउ गरी जिल्ला अदालत कपिलवस्तुमा उपस्थित गराएर, तोकिएको कैद सजाय भुक्तान गर्नको लागि जिल्ला कारागार तौलिहवामा चलान गरेको जनाएको छ।
