मनाङमा हराएका भारतीय बाबु–छोरीको शव हिउँमा फेला

मनाङमा कात्तिक ३ गतेदेखि सम्पर्कविहीन भएका भारतीय बाबु–छोरीको शव फेला परेको छ। ङिस्याङ गाउँपालिका–४ स्थित ग्याल्सेन होटलबाट मलेरिपा गुम्बा घुम्न गएका ५२ वर्षका जिग्नेस कुमार लल्लुभाई पटेल र १७ वर्षकी प्रियन्सा कुमारी पटेलको शव आइतबार दिउँसो सशस्त्र प्रहरीले हिउँमा पुरिएको अवस्थामा भेटेको हो। शव गुम्बाबाट करिब सय मिटर माथि फेला परेको सशस्त्र प्रहरी सहप्रवक्ता डीएसपी शैलेन्द्र थापाले जानकारी दिए।