उपेन्द्र यादवको आरोप: कांग्रेस र कम्युनिस्टका कारण मुलुक बर्बादीतिर
कपिलवस्तु — जनता समाजवादी पार्टी (जसपा) नेपालका अध्यक्ष उपेन्द्र यादवले मुलुकको पछौटोपनका लागि कांग्रेस र कम्युनिस्ट दलहरूलाई जिम्मेवार ठहर गरेका छन्। कपिलवस्तुमा आयोजित पार्टीको जिल्ला अधिवेशन उद्घाटन सत्रमा बोल्दै उनले तीन दशकभन्दा बढी समय शासन गरेको यी दलहरूले देशलाई आर्थिक र सामाजिक रूपमा ‘ग्रे लिस्ट’ मा पुर्याएको आरोप लगाए।
यादवले मधेस, मुस्लिम र पछाडि पारिएका वर्गमाथि राज्यको विभेद अझै कायमै रहेको र संविधान कार्यान्वयनमा ईमानदारिता नदेखिएको बताए। संविधान २०७२ लाई त्रुटिपूर्ण भन्दै उनले मूल मर्मअनुसार पुनर्लेखनको मागसमेत राखे।
कार्यक्रममा जसपाका शीर्ष नेता तथा प्रतिनिधिहरूको उपस्थिति थियो।
