कपिलवस्तुकाे शिवराजमा एचपिभी खोप अभियान सुरू,७ हजार किशाेरीमा लगाइने
कपिलवस्तुको शिवराज नगरपालिकामा पाठेघरको क्यान्सर न्यूनीकरणका लागि एचपिभी खोप अभियान माघ २२ गतेदेखि सञ्चालनमा आएको छ। यो अभियान फागुन ६ गतेसम्म नगरका विद्यालय र खोप केन्द्रहरूमा सञ्चालन हुनेछ।
स्वास्थ्यकर्मी र स्वयंसेवकको परिचालन
नगर स्वास्थ्य शाखाका प्रमुख चुडामणी भट्टराईका अनुसार, अभियानका लागि २८४ जना स्वास्थ्यकर्मी र स्वयंसेवक परिचालन गरिएका छन्। १० देखि १४ वर्ष उमेरका ७,५०० किशोरीलाई खोप लगाउने लक्ष्य रहेको बताइएको छ।
नगरप्रमुखको अपिल
सोमबार आयोजित अभिमुखीकरण कार्यक्रममा नगरप्रमुख अजय थापाले पाठेघरको क्यान्सर गम्भीर स्वास्थ्य समस्या भएको उल्लेख गर्दै यस अभियानमा सबैको सक्रिय सहभागिता आवश्यक रहेकोमा जोड दिनुभयो।
समुदायलाई आग्रह
इलाका प्रशासन कार्यालय चन्द्रौटाका प्रमुख घनश्याम न्यौपानेले क्यान्सरजस्तो जटिल रोगबाट बच्न खोप अत्यन्त प्रभावकारी भएको बताउँदै नागरिकलाई यस अभियानको लाभ लिन आग्रह गर्नुभयो।
मानव अधिकार प्रतिष्ठानको समर्थन
राष्ट्रिय मानव अधिकार प्रतिष्ठान कपिलवस्तुका सभापति विष्णु खतीवडाले अभियानलाई सफल बनाउन सबै पक्षले सहकार्य गर्नुपर्ने बताए।
स्वास्थ्य विशेषज्ञको धारणा
डा. अस्लम अहमदले एचपिभी खोपको प्रभावकारिताबारे जानकारी दिँदै किशोरीहरूको स्वास्थ्य सुरक्षामा यो खोपले महत्त्वपूर्ण योगदान दिने बताउनुभयो।
यस अभियानले किशोरीहरूलाई पाठेघरको क्यान्सरबाट बचाउन सहयोग पुर्याउँदै स्वास्थ्य सुरक्षाको नयाँ उदाहरण स्थापित गर्ने विश्वास गरिएको छ।
