गाेरखा जादै पुर्वराजा ज्ञानेन्द्र शाह
पूर्वराजा ज्ञानेन्द्र शाह गोरखकाली मन्दिर र मनकामना मन्दिर दर्शनका लागि यही साता गोरखा जाने भएका छन्।
संवाद सचिवालयका संवाद सचिव फणिराज पाठकले बुधबार जारी गरेको सूचनामा पूर्वराजा शाहले गोरखनाथ, गोरखकाली र मनकामना मन्दिरमा पूजा अर्चना गर्न गोरखा जाने उल्लेख गरिएको छ।
पूर्वराजा शाह लामो समय पोखरामा बसेर फागुन २५ गते काठमाडौं फर्किएका थिए। उनको स्वागतका लागि राप्रपा, राप्रपा नेपाल र दुर्गा प्रसाईंलगायतको आह्वानमा त्रिभुवन अन्तर्राष्ट्रिय विमानस्थल गेटमा स्वागत कार्यक्रम समेत आयोजना गरिएको थियो।
