नवलपरासी पश्चिममा २९ जनामा कोरोना पुष्टि, गाउँपालिका अध्यक्षमा पनि संक्रमण ।
रबिन्द्र यादव , भदौ ७
नवलपरासी (बर्दघाट सुस्ता पश्चिम)मा आज (आइतबार) थप २९ जनामा कोरोना भाइरस संक्रमण पुष्टि भएको छ । परासी स्थित पृथ्वी चन्द्र अस्पतालका ४ जना स्वास्थ्यकर्मि सहित २९ जनामा कोरोना पुष्टि भएको जिल्ला स्वास्थ्य कार्यालयले जनाएको छ ।
प्रादेशिक प्रयोगशाला भैरहवामा उनीहरूको स्वाब परीक्षण गरिएकोमा पाल्हिनन्दन गाउँपालिकाका प्रमुख सहित अन्य समुदायस्तरका स्थानियलाई कोरोना भाइरस संक्रमण पुष्टि भएको जिल्ला स्वास्थ्य कार्यालय नवलपरासी पुर्वका प्रमुख गौरव ढकालले जानकारी दिए । अहिले अस्पताल सहित गाउँपालिका कार्यालय पनि सिल गर्ने तयारी भइरहेको छ ।
