२५६७ औं बुद्ध जयन्तीको अवसरमा लुम्बिनीमा बृहत सरसफाइ कार्यक्रम

रुपन्देही , बैशाख १६
सुनगाभा सामुदायिक विकास केन्द्र तथा स्ट्रोम फाउन्डेसन नेपालको सहयोग एवम् लुम्बिनी साथी संजाल रुपन्देहीको आयोजनामा शनिबार सरसफाइ कार्यक्रम सम्पन्न भएको छ ।

आउदै गरेको २५६७ औं बुद्ध जयन्तीको अवसरमा लुम्बिनीमा सयौं युवाहरूको सहभागीताका साथ सरसफाइ कार्यक्रम सम्पन्न भएको हो । साथी संजालका उपाध्यक्ष राजकुमार लोध को अध्यक्षता , इलाका प्रहरी कार्यालय लुम्बिनीका प्रहरी निरीक्षक गजेन्द्र रावलको प्रमुख आतिश्यता , सुनगाभा सामुदायिक विकास केन्द्रका कार्यकारी निर्देशक गोपाल बहादुर केसी एवम् मायादेवी प्रगतिशील आमा समूहका अध्यक्ष मन्जु ढकाल , वडा नम्बर ७ का वडा सदस्य रघुबीर गिरी , तारामती हरिजन ,SCDC का S.N.O. प्रदिप केवट , ट्राफिक प्रहरी अस्थायी विटका सहायक प्रहरी निरीक्षक सुरेश पन्थी लगायतको आथित्यामा सरसफाइ कार्यक्रम भएको थियो ।

उक्त कार्यक्रममा २०१ जना किशोर किशोरीको सहभागिता सहित लु.सा.न.पा.६ पर्सा चोक देखि लुम्बिनी बस पार्क सम्म वृहत् सरसफाइ अभियान संचालन गरिएको थियो । उक्त कार्यक्रमको संचालन लुम्बिनी साथी संजालका सचीव श्याम कुमार यादवले गरेका थिए ।