दक्षिण कोरियाको विमान दुर्घटना परी १२४ काे मृत्यु,उद्धारकार्य जारी
दक्षिण कोरियामा आइतबार बिहान भएको विमान दुर्घटनामा मृत्यु हुनेको संख्या १२४ पुगेको छ। बीबीसीका अनुसार, साढे १२ बजेसम्मको तथ्यांकमा ५४ पुरुष, ५७ महिला र पहिचान नखुलेका १३ शव रहेका छन्।
मुआन अन्तर्राष्ट्रिय विमानस्थलमा अवतरण गर्ने क्रममा जेजु एयरको बैंककबाट फर्किरहेको विमान दुर्घटनाग्रस्त भएको थियो। विमानमा १७५ यात्रु र ६ जना चालक दलका सदस्य गरी १८१ जना सवार थिए।
दुर्घटनास्थलमा उद्धारका लागि दमकल विभागका ४९० कर्मचारी, ४५५ प्रहरी अधिकारीसहित कुल १ हजार ५६२ जना खटिएका छन्। रोयटर्सका अनुसार, दुई जनालाई जीवितै उद्धार गरिएको छ। योनहाप समाचार एजेन्सीका अनुसार, विमानमा सवारमध्ये १७३ यात्रु दक्षिण कोरियाका र २ जना थाइल्याण्डका नागरिक थिए।
