शिवराज अस्पतालको निःशुल्क स्वास्थ्य शिविरमा १,५९५ जनाले सेवा लिए
कपिलवस्तु। बहादुरगञ्जस्थित शिवराज अस्पतालमा सञ्चालित निःशुल्क मुटु, मिर्गौला तथा बहु-विशेषज्ञ स्वास्थ्य शिविरको पहिलो दिन १,५९५ जनाले स्वास्थ्य सेवा लिएका छन्।
शिविरमा मुटुरोग, मिर्गौला, हाडजोर्नी, नाक–कान–घाँटी, स्त्री तथा प्रसूति र मानसिक स्वास्थ्यसम्बन्धी विशेषज्ञ सेवा उपलब्ध गराइएको थियो। साथै ECG, Echo, X-ray, अल्ट्रासाउण्ड (USG) तथा प्रयोगशाला परीक्षणसमेत निःशुल्क गरिएको थियो।
कृष्णनगर नगरपालिकाको समन्वयमा विभिन्न स्वास्थ्य संस्थाको सहकार्यमा सञ्चालित शिविरको दोस्रो दिन पनि निःशुल्क विशेषज्ञ स्वास्थ्य सेवा जारी रहने आयोजकले जनाएको छ।
