‘प्रचण्ड’को तस्बिर जलाएको आरोपमा राप्रपानिकट १ युवक पक्राउ
काठमाडौं । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’को तस्बिर जलाएको आरोपमा प्रहरीले एक युवकलाई पक्राउ गरेको छ । पक्राउ पर्नेमा राप्रपानिकट राष्ट्रिय प्रजातान्त्रिक युवा संगठनमा आबद्ध निराजन बम छन् ।
शनिबार (चैत २) गते मकवानपुरको हेटौँडामा उनले प्रचण्डको तस्बिर जलाएका थिए । आइतबार (चैत ३) गते चितवनबाट उनलाई पक्राउ गरिएको जिल्ला प्रहरी कार्यालयले मकवानपुरले जानकारी दिएको छ ।
भरतपुर विमानस्थल हुँदै काठमाडौं आउन लागेका बेला उनलाई पक्राउ गरिएको प्रहरीले जनाएको छ ।
बमले शनिबार हेटौँडामा आयोजित संगठनको कार्यक्रममा प्रचण्डको तस्बिर जलाएका थिए ।
