कपिलवस्तुमा भरुवा बन्दुक सहित एक जना पक्राउ
कपिलवस्तु जिल्लाको बाणगंगा नगरपालिका-१ स्थित बैरियाबाट एक जना व्यक्तिलाई भरुवा बन्दुकसहित पक्राउ गरिएको छ।
पक्राउ पर्नेमा गंगाराम थारु रहेका छन्। प्रहरीले दिएको जानकारीअनुसार, प्रकाश थारुसम्बन्धी लागुऔषध मुद्दाको अनुसन्धानका क्रममा गरिएको खानतलासीमा गंगारामको घरबाट उक्त बन्दुक बरामद भएको हो।
हाल घटनाबारे थप अनुसन्धान जारी रहेको प्रहरीले जनाएको छ। लागुऔषध अनुसन्धानका क्रममा हातहतियार फेला पर्नु सुरक्षाका दृष्टिले चिन्ताजनक मानिएको छ।
