नेपालगञ्ज–नयाँदिल्ली सिधा हवाई उडान सुरु गर्न पहल गर्ने परराष्ट्रमन्त्री राणाकाे प्रतिबद्धता
परराष्ट्रमन्त्री डा. आरजु राणा देउवाले नेपालगञ्ज–नयाँदिल्ली सिधा हवाई उडान सुरु गर्न सशक्त पहल गर्ने प्रतिबद्धता जनाएकी छन्। पश्चिम नेपालको आर्थिक विकास र पर्यटन प्रवर्द्धनलाई प्राथमिकता दिँदै उनले सोमबार मन्त्रालयमा बाँके–बर्दियाका सर्वपक्षीय टोलीसँग भेटमा उडान एजेन्डा अघि बढाउने आश्वासन दिइन्।
उनका अनुसार हवाई सम्पर्क विस्तारले पर्यटन, व्यापार, पारवहन र जनसम्पर्कमा ठूलो फाइदा पुग्नेछ। प्रतिनिधिमण्डलले नेपालगञ्जलाई ‘मानसरोवर गेटवे’ का रूपमा विकास गर्न दिल्ली उडान अपरिहार्य रहेको र विमानस्थलमा आवश्यक पूर्वाधार तयार भइसकेको जानकारी गराएको थियो। उडान सञ्चालन भएपछि सुदूरपश्चिम, कर्णाली र लुम्बिनीका करिब २५ जिल्लाका नागरिक प्रत्यक्ष लाभान्वित हुने अपेक्षा गरिएको छ।
