जैसवालले पुनः गरे सराहनीय कार्य अति विपन्न गरिबलाई दैनिक उपभोग्य समाग्री वितरण ।
रबिन्द्र यादव / नवलपरासी पश्चिम
भनिन्छ दानिलाइ कहिल्यै हानि हुँदैन ।
हाे, यहि भनाइलाइ चरितार्थ गर्दै नवलपरासी पश्चिमको सुस्ता गाउपालिका वडा नं ५ बेलवानीका अोमप्रकाश जैसवालले लकडाउनमा अति विपन्न घरपरिवारलाई राहतको रुपमा दैनिक उपभोग्य समाग्री वितरण गरेका छन् ।
दैनिक मजदुरी गरि घरखर्च चलाउने अति विपन्न परिवारलाई सुस्ता गाउपालिकाको वडा नं ५ सकरदिनहीमा अोमप्रकाश जैसवालले १२५ घरधुरीलाई राहत स्वरुप ६ किलोग्रामको दर चामल, एक किलो अालु, एक किलो दाल र एक केजी नुन बितरण गरेका हुन् ।
लकडाउनको समयमा घरमै बस्न बाध्यता रहेकोले छाक टार्न समस्या भएका अति विपन्न घरपरिवारलाई राहत वितरण गरेको अोमप्रकाश जैसवालले बताए ।
विश्वव्यापी रुपमा फैलिदै गएको कोरोना भाइरस (कोभिड-१९) महामारीको कारण सरकारले गरेको लकडाउनमा वडा भित्र रहेका अति विपन्न परिवारले दिनभरिको ज्यालाले छाक टार्दै आईरहेका परिवारलाई अहिले छाक टार्न समस्या रहेको बेलामा सबैले आ – आफ्नो ठाउबाट अति विपन्न घरपरिवारलाई सहयोग गर्नुपर्ने अवस्था रहेको जैसवालले बताए ।
कुनै पनि घरपरिवारलाई छाक टार्न समस्या भए मलाई तुरुन्तै सम्पर्क गर्नु भनि सबैमा उनले आह्वान गरे साथै जैसवालले अहिले करोना त्रास कोभिट- १९ को बेला राजनिती गर्नु भन्दा सबैले सहयोगको भावनामा जुट्न सबैलाई अाग्रह समेत गरे । स्मरण रहोस् यस अघि पनि अोमप्रकाशजैसवाल र धनुषधारी चौधरी (कुर्मी) र चन्द्रभुषण यादवको नेतृत्वमा बेलवानीमा दुई सय पचास घरधुरीमा सोही दरका हिसाबले राहत वितरण भएको थियोे ।
