हुप्सेकोट गाउँपालिका भित्र नियमित डाईलाइसिस गर्नुपर्ने बिरामीका लागि गाउँपालिकाले इन्धन खर्च राहत दिने ।
चैत्र २०
प्रिय धन , दर्पण एफएम, चोरमारा
हुप्सेकोट गाउँपालिकाले नियमित रुपमा मृगौलाको डाइलाइसिस गर्ने बिरामीलाई राहत स्वरुप दुईतर्फी इन्धन खर्च स्वरूप रु. दुई हजार सहयोग गर्ने भएको छ । लक डाउनका समयमा धेरै बिरामीहरू मारमा परिरहेका छन् ।
नियमित रूपमा मृगौलाको डाइलाइसिस गर्नुपर्ने बिरामीहरू कम्तीमा पनि हप्ताको २ पटक अस्पताल जानुपर्ने भएकाले बिरामीहरूको अवस्था लाई मध्यनजर गर्दै गाउँपालिका भित्रका बिरामीहरू पहिचान गरी आज तत्काल बैठक बसी सो निर्णय गरिएको स्वास्थ्य शाखा का प्रमुख कृष्ण सापकोटा ले जानकारी दिनुभयो । यो निर्णय लक डाउन अवधिभर मात्र रहनेछ ।
