पिकअपको ठक्करबाट मोटरसाईकल चालकको मृत्यु
गनेश यादव , सुनसरी
जिल्लाको भोक्राहा नर्सिङ गाँउपालिका ४ स्थित राजमार्गमा पिकअप को ठक्कर बाट मोटरसाईकल चालक को मृत्यु भएको छ ।
भोक्राहा नर्सिङ ६ बस्ने २६ बर्षीय जगदेव मेहताको मृत्यु भएको हो। आइतबार दिउसो पौने २ बजे पुर्व बनट पश्चिम तर्फ जादै गरेको बा २१ च ५६९४ नम्बरको पिकअप गाडी ले बिपरित दिशा बाट आईरहेको को ३८ प ३४६६ नम्बरको मोटरसाईकल लाई ठक्कर दिदा मोटरसाईकल चालक मेहता गम्भीर घाईते भएका थिए ।
गम्भीर घाईते मेहतालाइ उपचारको लागी जिल्ला अस्पताल ईनरुवा पुर्याइएको थियो । गम्भीर घाईते मेहताको उपचारको क्रममा दिउसो साढे २ बजे मृत्यु भएको जिल्ला प्रहरी कार्यालय सुनसरीले जनाएको छ ।
ठक्कर दिने गाडी र चालक सिन्धुली बस्ने सन्तबहादुर पुलामी मगर नियन्त्रणमा रहेको उक्त कार्यालयले जनाएको छ ।
