पश्चिम नवलपरासीमा २ लाख बराबरको अवैध मालसामान बरामद
उर्मिला यादव, माघ १२, पश्चिम नवलपरासी ।
जिल्ला प्रहरी कार्यालय पश्चिम नवलपरासीले आज भारतबाट अवैध रुपमा ल्याउदै तथा नेपालबाट भारत तर्फ लैजादै गरेको अन्दाजी २ लाख ३ हजार २ सय मुल्य बराबर अवैध मालसामान बरामद गरेको जनाएको छ ।
आज सिमा प्रहरी चौकी महेशपुरबाट खटिएको प्रहरी टोलीले १ लाख ८१ हजार ६ सय मुल्य बराबरको भारतबाट नेपाल तर्फ अवैध रुपमा ल्याउदै गरेको थान कपडा (सुट) ३६ मिटर, थान कपडा १९६ मिटर, साडी ३० पिस, लेडिज सल १९ पिस, डोराउदै २ वटा राँगो सरावल गाउँपालिका वडा नम्बर ७ झरहीखोला बाट बरामद गरेको हो । यस्तै गरी नेपाल बाट अवैध रुपमा भारत तर्फ लैजादै गरेको अन्दाजी २१ हजार ६ सय मुल्य बराबरको किसमिस मदिरा १८ कार्टुन सोही स्थान बाट बरामद गरेको जनाएकको छ ।
उक्त कपडा, मदिरा मोटरसाईकलमा राखि ल्यादै लैजादै गरेको र राँगो मानिसले डोरीमा बाधी डोहोर्याउदै ल्याउदै गर्दा प्रहरी टोलीलाई देखि सोही स्थानमा छाडी मानिस मोटरसाईकल सहित भागेको समेत प्रहरीले जनाएको छ ।
बरामद भएका सम्पुर्ण सामान आवश्यक कारवाहीको लागि महेशपुर भन्सार कार्यालय बुझाईएको जिल्ला प्रहरी कार्यालय पश्चिम नवलपरासीका प्रहरी नायब उपरीक्षक राजु लामाले जानकारी दिनु भएको छ ।
