लुम्बिनी प्रदेशको आगामी वर्षको बजेट असार १ गते सार्वजनिक हुने
लुम्बिनी प्रदेश सरकारले आगामी आर्थिक वर्ष २०८२/०८३ का लागि बजेट असार १ गते आइतबार प्रस्तुत गर्ने भएको छ।
प्रदेश सभाको १३औँ बैठकमा आर्थिक मामिला तथा योजना मन्त्री धनेन्द्र कार्कीले वार्षिक बजेट र “अर्थ सम्बन्धी विधेयक” सभामा पेश गर्नुहुने कार्यसूची सार्वजनिक गरिएको छ।
यसपटकको बजेटमा कृषि, उद्योग, पर्यटन, पूर्वाधार, शिक्षा, स्वास्थ्य, र रोजगारीलाई प्राथमिकतामा राखेर प्रदेश समृद्धि र विकासलाई लक्ष्य गर्ने तयारी छ।
मुख्यमन्त्री चेतनारायण आचार्यले नीति तथा कार्यक्रमको जगमा आधारित बजेटले प्रदेशवासीको जीवनस्तर सुधार्ने र समृद्धिमा योगदान दिने विश्वास व्यक्त गर्नुभएको छ।
पछिल्लो चालू वर्षमा ३८ अर्ब ९७ करोड रुपियाँको बजेट ल्याएको प्रदेश सरकारले आगामी वर्षको बजेटको आकार केही घटाएर ल्याउने तयारी गरेको छ।
