🛑डाइभर्सन बगाउँदा नारायणघाट–बुटवल सडक ठप्प! वैकल्पिक मार्ग समेत अवरुद्ध

📍 पूर्वी नवलपरासी | SM News | असार ९, २०८२

पूर्व–पश्चिम राजमार्ग अन्तर्गतको नारायणघाट–बुटवल खण्ड पुनः ठप्प भएको छ।
विनयी त्रिवेणी गाउँपालिका–१ मा रहेको विनयी खोलाको डाइभर्सन भारी वर्षासँगै बगाएपछि वैकल्पिक मार्गसमेत पूर्णरूपमा अवरुद्ध भएको हो।

🚧 डाइभर्सन बगाएपछि वैकल्पिक बाटो पनि बन्द
डाइभर्सन बगेपछि सवारी साधनलाई होङ्सी गेट–सर्दी–ज्यामिरे मार्ग हुँदै चलाइएको थियो।
तर, सोमबार बिहान करिब ७:३० बजे विनयी त्रिवेणी–३ स्थित खरंगे खोलाको बहाव असामान्य रुपमा बढेपछि उक्त वैकल्पिक मार्ग पनि प्रयोग गर्न नसकिने भएको छ।

🚓 सवारी साधनलाई सुरक्षित स्थानमा होल्ड
जिल्ला प्रहरी कार्यालय, पूर्वी नवलपरासीका सूचना अधिकारी डिएसपी मधु नेपालका अनुसार पानीको बहाव अत्यधिक भएपछि सवारीहरूलाई सुरक्षित स्थानमा होल्ड गरिएको छ।
यातायात पूर्णरूपमा ठप्प भएपछि यात्रुहरू बीच तनाव र अलमलको अवस्था देखिएको छ।

🌧 बर्खायाम सुरु भएसँगै सडक संकट गहिरिँदै
लगातारको वर्षाले सडक संरचना कमजोर बनेको भन्दै स्थानीयवासी तथा यात्रुहरूले तत्काल समाधानको माग गरेका छन्।

📸 SM News अपडेटका लागि हामीलाई पछ्याउनुहोस्।