कृष्णनगरमा फैलियो महामारी, ६०० भन्दा बढी संक्रमीत , एकको मृत्यु ।

• 

बैशाख ११
कपिलवस्तु -जिल्लाको कृष्णनगर नगरपालिकामा महामारी फैलिएको देखिएको छ । नगरपालिकाको वार्ड नम्बर १२ मा पशुहरुमा खोरेत रोगको संक्रमण देखिएको छ । एक हप्ता पहिले ठकुरापुरमा २ जना किसानको भैसीमा संक्रमण देखिए को थियो भने अहिले ठकुरापुर लगायत हरिहरपुर , बैदौली र सोनबर्षा लाखौरा र बालानगर गाउँमा लगभग ६०० सय भन्दा बढी गाई भैसी तथा पाडापाडीहरु संक्रमीत भएको पशु सेवा शाखाका प्रमुख धनई प्रसाद यादवले बताएका छन्।

• 

यो रोगबाट संक्रमित भएको पशुहरुको , खुर र मुखमा घाउ भएकोले खाना र हिड्न छोडेकाले दुध उत्पादन घटेको र पशुहरु दुब्लो भएकोले पशुपालकहरु घाटा ब्यहोर्नु पर्ने अवस्था आएको ठकुरापुर निवासी कृषक रामनेवास यादवले बताएका छन्। निज यादवले पालेको पशुहरु मध्ये एक जर्सी गाई लगभग २० दिन बिरामी पहिले भएको औषध उपचार गर्दैगर्दा निको हुने अवस्थामा पुगेपछि खोरेतले संक्रमण हुँदा लगभग ७० हजार भन्दा बढी मुल्य पर्ने सो गाईको मृत्यु भएको छ ।

उक्त संक्रमण फैलिएको खबर पाउन साथ पशुपालकहरुबाट नै तथ्यांक पत्ता लगाई नगरपालिकामा जानकारी गराइसकेको र पशु सेवा शाखाले पनि आफ्नो काम अगाडि बढाएको वार्ड अध्यक्ष छेदी प्रसाद यादवले बताए ।पशु सेवा शाखा प्रमुख लाई सम्पर्क गर्दा उक्त संक्रमण रोकथाम गर्न आफुहरु लागि सकेको र कृषकहरुको गोठमै पुगी सतर्कता अपनाउनु पर्ने तरिका बारे सचेत समेत गराइएको प्रमुखले बताउनुभयो । यो खोरेत विरुद्धको भ्याक्सिन खरिद भएको तर लकडाउनको लगाउन नसकिएकोले स्वस्थ पशुलाई संक्रमीत पशुबाट टाढा राख्न र सकभर रोगी पशुलाई छुट्टै राख्न सबै पशुपालकहरु लाई अनुरोध समेत गरेका छन् ।