दुर्घटनामा परी एक प्रहरी हवल्दारको मृत्यु
गनेश यादव , भदौ १३
सुनसरीको सदरमुकाम इनरुवा ९ मा मोटरसाइकल दुर्घटना हुँदा एक प्रहरी हवल्दारको मृत्यु भएको छ।
जिल्ला प्रहरी कार्यालय सुनसरीमा कार्यरत सप्तरीको बलान घर भएका हवल्दार विजयकुमार मण्डलको दुर्घटनामा परेर मृत्यु भएको हो।
जिल्ला प्रहरी कार्यालय कै मोटरसाइकलमा गस्तीमा निस्किएका बेला शनिबार बिहान करीव ४ बजे विजयकुमार मण्डलले चलाएको को १ प २११५ नम्बरको मोटरसाइकल इनरुवा ९ बविया मा दुर्घटनामा परेको थियो। दुर्घटनामा परेर गम्भीर घाइते भएका प्रहरी हवल्दार मण्डललाई उपचारका लागि विराट नर्सिङ होम एवं विराटनगर अस्पताल पुर्याएको थियो। घाइते भएका एक प्रहरी हवल्दारको उपचारका क्रममा विराटनगरमा शनिबार बिहान मृत्यु भएको हो ।
प्रहरी हवल्दारको टाउकोमा चोट लागेका उनको उपचारका क्रममा बिहान करीव ५ : ३० बजे मृत्यु भएको हो। सुनसरी प्रहरी अनुसार मोटरसाइकल इनरुवा नगरपालिका –९ बबिया मोड स्थित भित्री सडक खण्डमा बिजुलीको पोलमा ठोक्किएर दुर्घटनामा परेको हो।
जिल्ला प्रहरी कार्यालय सुनसरीमा कार्यरत सप्तरीको बलान घर भएका हवल्दार विजयकुमार मण्डलको दुर्घटनामा परेर मृत्यु भएको हो।
