महाकाल सामाजिक संस्था द्वारा कपिलवस्तुमा एक बृहत मोटरसाईकल र्याली
कपिलवस्तु,माघ ३ गते
हिन्दु धर्म र हिन्दुत्वको रक्षाका लागि कपिलवस्तुमा जन्मेको महाकाल नामक सामाजिक संस्थाले बिगत केही महिना देखि बिभिन्न पालिका , वडा र नगर/गाउँ स्तरीय ५७ वटा समिति गठन गरेको छ।सनातन धर्म हिन्दूलाई बिभिन्न बर्गमा बर्गिकरण गरेकोले हिन्दुहरु कमजोर भएका छन्। त्यसैले हिन्दुहरुलाई एक जुट गर्न महाकाल सामाजिक संस्थाले गाउँ-गाउँमा गई उप समितिहरू गठन गरेको छ। त्यहीँ कर्ममा आज कपिलवस्तुको शिवराज नगरपालिकाको रुद्रपुरमा एक विशेष कार्यक्रम गरी युवा जागरण अभियान सञ्चालन गरेका छन् ।
श्री महाकाल सामाजिक संस्थाका अध्यक्ष धर्मराज विश्वकर्मा को सभापतित्वमा संचालित कार्यक्रमका प्रमुख अतिथि हिन्दू धर्मको अभियन्ता अभिषेक जोशी ज्यू र बिशिष्ट अतिथिहरुमा शिवराज नगरपालिकाको वडा नम्बर ७ का वडाध्यक्ष अनुप कुमार चौधरी , मनी ” कश्यप ” पाण्डे , विशाल क्षेत्री लगायत संस्थाका पदाधिकारीहरूका साथसाथै हिन्दु धर्मलम्बी एवम समर्थकको बाक्लो उपस्थिति रहेको थियो। सोही क्रममा कपिलवस्तु को चन्द्रौटा बजार देखि ६ टाढा रुद्रपुर सम्म मोटरसाइकल र्याली निकालिएको थियो।
आजको कार्यक्रममा क्षेत्रिय उपाध्यक्ष देवराज चौधरीले स्वागत गर्दै न्यानो मन्तव राखेका हुन् भने संस्थाका सचिव जितेन्द्र मौर्यले कार्यक्रम सञ्चालन गरेका हुन्
