आफन्त नेपालद्वारा परियोजना समिक्षा कार्यक्रम
शहबाज खान , कपिलवस्तु
मानब बेचबिखन विरुद्ध क्रियाशिल सस्था आफन्त नेपाल बिगत २०६४ देखि यस कपिलवस्तु जिल्लामा आफ्ना कार्यक्रमहरु सन्चालन गर्दै आएको छ ।
सस्थाले सिमा क्षेत्रमा अनुगमन गरि जोखिममा पर्न सक्ने महिला तथा किशोरीहरुलाई सुचना प्रबाह गरि सचेत गराउने र जोखिममा रहेका महिला तथा किशोरीहरुलाई उद्धार गरि पुनर्स्थापना गर्ने लगायतका बिभिन्न कार्यक्रमहरु गर्दै आएको छ । यसै सन्दर्भमा सस्थाले बिगत २ बर्षमा गरेका सम्पुर्ण गतिविधिहरुको परियोजना समिक्षा गरेको छ ।उक्त कार्यक्रम नगरपालिकाको सभाहलमा राखिएको थियो। कार्यक्रम आफन्त नेपाल केन्द्रीय कार्यलयबाट आउनु भएको स्वस्तिक अर्यालको अध्यक्षतामा भएको थियो भने प्रमुख अतिथिमा नगरपालिकाका मेयर रजत प्रताप शाह रहेका थिए ।
कार्यक्रमा बिशिस्ट अतिथि उपमेयर आरती देवी चौधरी , सशस्त्र प्रहरी बल कृष्णनगरका प्रमुख, ईलाका प्रहरी कार्यालय कृष्णानगरका प्रहरी निरीक्षक लक्ष्मण ओली , त्यसैगरी लिंगेट अस्थाई प्रहरी चौकीबाट प्रहरी नायब निरीक्षक धरम बहादुर खड्का , भन्सार कार्यलयबाट भन्सार प्रमुख बासुदेव नेपाल , ट्राफिक प्रहरीका प्रमुख रन बहादुर भट्ट क्षेत्री , कृष्णनगर नगरपालिका पूर्व वडा अध्यक्ष संजय गुप्ता , उद्योग बाणिज्य संघ बाट पंकज गुप्ता, होटल व्यवसाय संघबाट शिव घिमिरे, आफन्त नेपाल द्वारा गठन गरिएको श्री चेली कृषि सहकारी संस्थाकी अध्यक्ष अरुणा श्रेष्ठ , लगाएत मानव बेचबिखविरूद्ध काम गर्ने बिभिन्न संघ संस्थाको उपस्थिति रहेको थियो। उक्त कार्यक्रममा आफन्त नेपालको वार्षिक प्रगती विवरण आफन्त नेपालका क्षेत्रीय संयोजक केशर विश्वकर्मा प्रस्तुत गर्नु भएको थियो भनें कार्यक्रम संचालन आफन्त नेपालकी क्षेत्रीय संयोजक उषा गुरुङले गर्नु भएको थियो। यस कार्यक्रममा मानव बेचविखन तथा ओसारपसार विरुद्धमा बिभिन्न तहबरबाट सहायता पुर्याउनु हुने सम्पूर्ण सहयोगी दाता हरुलाई सम्मान तथा मायाको चिनो मेयर रजत प्रताप शाहबाट वितरण गरिएको थियो भने प्रमुख अतिथि र बिशिस्ट अतिथिका लागि अध्यक्षबाट हस्तान्तरण गरिएको थियो।
कार्यक्रममा मन्तव्य राख्ने क्रममा आफन्त नेपालकै कारण समुदायमा धेरै प्रभाव भएको र धेरै दिदि बैनीहरु बोल्न सक्ने र हिंसा विरुद्ध आवाज निकाल्न सक्ने भएको जिकिर चेली कृषि सहकारि बाट आउने सुशीला दर्लामीले बताउनु भयो । त्यस्तै महिला नेतृ मिना परियारले आफन्त नेपालले जोखिममा रहेका र परेका महिला तथा किशोरीहरुको जिबन रुपान्तरणमा जुन किसिमले काम गरेको छ त्यो जति प्रसंशा गरे पनि नपुग्ने बिचार ब्यक्त गर्नु भयो ।
मन्तब्य कै क्रमामा ईलाका प्रहरी कार्यलयका कार्यलय प्रमुख लक्ष्मण ओलीले मानव बेचबिखन जस्तो जघन्य अपराधलाई न्यूनीकरण गर्नु पर्ने र यस्ता कार्यबाट उद्धार गरि उनिहरुको जिबन रुपान्तरण गर्नु यो जस्तो मानवीय पुन्य काम केहि हुन नसक्ने बताउनु भयो भने नगर प्रमुखले यस बिषयलाई स्थानीय सरकारले कसरि सहायता गर्न सक्छ हामी सधै तपाईंहरुको साथ र सहयोग गर्न तयार छौं भनि प्रतिबद्धता ब्यक्त गर्नु भयो ।
कार्यक्रममा आफन्त नेपालले २ बर्षमा भएका आर्थिक आय ब्ययलाई समेत प्रस्तुत गरेको थियो जसमा आफन्त नेपाले गर्दै आएको काममा सबैले साथ र सहयोग दिदै आएको र सस्थाले विशेष उद्धार गरिएका चेलीहरुको जीबनमा गरेको कामको प्रसंशा सबै सहभागीले गर्नु भएको थियो ।
