जिपकाे ठक्करबाट बझाङमा ६० बर्षका गगनकाे मृत्यु
उत्तमकुमार थापा , बझाङ
बझाङमा जिपकाे ठक्करबाट एक जना पैदल यात्रीको मृत्यु भएको छ । मृत्यु हुनेमा वित्थडचिर गाउँपालिका – ९ घर भएका ६० बर्षका गगन ओखेडा रहेका छन ।
जिल्लाको केदारस्युँ गाउँपालिका –१ देउरा बजारबाट बागथला तर्फ गैरहेको सुदुरपश्चिम प्रदेश ०१ ००१च २६९० नम्बरको जिपले देउरा बजारमा पैदल हिड्दै गरेका ओखेडालाई ठक्कर दिएको प्रहरीले जनाएको छ।
ओखेडाको घटना स्थलमै मृत्यु भएको अस्थाई प्रहरी पोष्ट बागथलाले जानकारि दिएको छ । चालक बुंगल नगरपालिका –६ बस्ने दिपेन्द्र धामी लाई प्रहरीले नियन्त्रणमा लिएको छ। घटनास्थलमा प्रहरी पुगेको र घटनाको थप अनुसन्धान भैरहेको जिल्ला प्रहरी कार्यालय बझाङका डिएसपी जागेश्वर भण्डारी बताए ।
