हुप्सेकोट २ गुहेंरी मा परालको टौवामा आगो लाग्यो

प्रिय धन / चैत्र २४
चोरमारा – हुप्सेकोट गाउँपालिका  २ गुहेंरी मा आज आगो लागेको छ । गुहेरीका देव बहादुर राना मगरको परालको टौवामा आगो लागेको हो । आगो आज दिउँसो करिब साढे एक बजे तिर लागेको देव बहादुर राना का छोरा भीम रानाले जानकारी दिनुभएको छ । आगलागी बाट नजिकैको मिलमा क्षति पुग्ने भन्दै दमकल बोलाएपछि कावासोती बाट गएको दमकल र स्थानीय युवाहरुको प्रयासबाट  सो आगो पूर्ण रुपमा निभाइएको थियो । आगलागी बाट करिब १३ कठ्ठा जमिनको पराल नष्ट भएको छ ।आगो तर अन्य कुनै भौतिक तथा मानवीय क्षति भने नभएको पारिवारिक स्रोतले जानकारी दिएको छ । आगलागिको कारण भने खुल्न सकेको छैन ।