अस्पतालमा चाहिने उपकरण र दक्ष डाक्टर उपलब्ध गराउन आफुले सक्दो सहयोग र पहल गर्ने – अध्यक्ष ओलि
बिजय पौडेल एस एम न्युज , बैशाख २६
नेकपा एमालेका अध्यक्ष तथा पुर्वप्रधानमन्त्री केपी शर्मा ओलीले कपिलवस्तुको विजयनगर गाउँपालिका नव निर्मित १५ शैयाको आधारभुत अस्पतालको बुधवार उद्घाटन गर्नु भएको छ । उहाँले देशभरका ३९६ वटा अस्पताल एकै पटक शिलान्यास गरेको र आज तयार भएर उद्घाटन गर्न पाउँदा खुसी लागेको बताउनुभयो ।
उहाले बिजयनगर बासीलाइ अस्पताल उद्घाटन भएकोमा बधाई दिदै अस्पतालमा चाहिने उपकरण र दक्ष डाक्टर उपलब्ध गराउन आफुले सक्दो सहयोग र पहल गर्ने बताउनुभयो । अध्यक्ष ओलिले दक्षिण तराईमा बाटोको समस्या रहेको हुँदा आफुले हुलाकी बिकासको काम अघि बढाएको र आज सोही बाटो हुँदै कार्यक्रम स्थलमा पुगेको समेत बताउनुभयो ।
यसैगरी कार्यक्रममा उपस्थित लुम्बिनी प्रदेशका मुख्यमन्त्री जोख बहादुर महराले ३९६ वटा अस्पताल एकैपटक शिलान्यास भएर समयमै बिजयनगरमा अस्पताल उद्घाटन हुँदा खुशी व्यक्त गर्नु भएको थियो । उहाँले अस्पतालको गुणवात्मक सेवा प्रभावका लागी तिनै तहका सरकारले आवस्यक सहयोग गर्ने दाबी गर्नुभयो । उहाँले यस क्षेत्रमा अस्पताल बन्दा यहाँका नागरिकले सहज रुपमा स्वास्थय सेवा पाउनेमा बिश्वस्त रहेको बताउनुभयो ।
कार्यक्रममा संघीय मन्त्री , प्रदेश मन्त्री , प्रतिनिधिसभा सदस्य , प्रदेश सभा सदस्य , पालिका प्रमुख , वडा अध्यक्ष लगायतको उपस्थिति रहेको थियो ।
